SKIPULAGSSKRÁ FRÆÐSLUNETSINS SíMENNTUNAR Á SUÐURLANDI SES.

Fræðslunet Suðurlands var stofnað á degi símenntunar þann 28. ágúst 1999. Nafni þess var breytt í Fræðslunetið - símenntun á Suðurlandi árið 2013.

Meginmarkmið stofnunarinnar, skv. stofnskrá hennar, er að efla aðgengi íbúa fjórðungsins að margs konar námi og símenntun og auka með því búsetugæði á svæðinu.
Við Fræðslunetið starfa nú tólf starfsmenn. Aðalstarfsstöð Fræðslunetsins er í Fjölheimum Tryggvagötu 13 á Selfossi. Þar er skrifstofa þess og kennslustofur. Einnig er starfsstöð á Hvolsvelli að Vallarbraut 16, í Kötlusetri í Vík og Kirkjubæjarstofu á Kirkjubæjarklaustri og í Nýheimum á Höfn í Hornafirði.
Námskeið Fræðslunetsins skiptast í megin dráttum þannig:

• Námsbrautir FA, einkum ætluð þeim sem litla formlega menntun hafa.
• Sérsniðin námskeið sem haldin eru fyrir fyrirtæki, stofnanir og félagsamtök.
• Íslenskunámskeið fyrir útlendinga.
• Námskeið sem eru sérstaklega ætluð fyrir fatlað fólk.
• Námskeið fyrir almenning.