Kennsla í Menntastoðum hefst þann 5. janúar. Það er hægt að bæta við nýjum þátttakendum á vorönn. Þær námsgreinar sem verða kenndar á vorönn eru tungumál; enska og danska, heimildavinna og stærðfræðiáfangi. Námsbrautin opnar leið inní undirbúningsdeildir háskólanna, s.s. Háskólans á Bifröst, HR eða Keilis. Einnig eru Menntastoðir tækifæri fyrir þá sem vantar bóklega áfanga í iðnnámi. Hægt er að sjá námskrá og nánari upplýsingar um námið hér og einnig er hægt að snúa sér til Eydísar Kötlu, This email address is being protected from spambots. You need JavaScript enabled to view it. eða hringja í síma 560 2030.
- Details:
Félags- og vinnumarkaðsráðuneytið undirritaði fyrr á þessu ári samning við Fræðslunetið um kennslu í tölvulæsi fyrir eldra fólk í kjölfar útboðs Ríkiskaupa. Um er að ræða sérsniðna kennslu sem hjálpar eldra fólki á Suðurlandi að nýta sér þjónustu og rafræn samskipti á netinu með það að markmiði að draga úr félagslegri einangrun, njóta afþreyingar á netinu og auka notkun á þjónustusíðum. Fræðslunetið kallar þessi námskeið „Snjalltækin okkar“ og hófst kennslan sl. vor og lýkur í mars á næsta ári. Það er tölvunarfræðingurinn Bjarni Hlynur Ásbjörnsson sem sér um kennsluna og hefur hann ferðast víða um fjórðunginn vegna þessa. Hvert námskeið er í fjögur skipti, tvær klukkustundir í senn.
Markhópurinn er fólk eldra en 60 ára sem hefur þörf á að læra á snjalltæki, spjaldtölvu og/eða snjallsíma. Námskeiðin fela í sér kennslu í notkun rafrænna skilríkja, heimabanka, netverslun og fræðslu vegna samfélagsmiðla og efnisveitna. Þá verður farið yfir notkun á tölvupósti og önnur rafræn samskipti. Bæði er lögð áhersla á hagnýtt gildi sem og skemmtana gildi tækjanna.
Þeir sem hafa áhuga á að taka þátt í námskeiðunum geta haft samband við Fræðslunetið í síma 560 2030 eða með tölvupósti This email address is being protected from spambots. You need JavaScript enabled to view it.
- Details:
Ársskýrsla og ársreikningur fyrir árið 2021 eru komin á vefinn okkar. Nálgast má gögnin hér:
Ársskýrsla 2021
Ársreikningur 2021
- Details: