­
stiklur
Þóra, Jósefína, Steinunn, Áslaug, Eydís, Anna Linda og Sigrún.

Kennarar Fræðslunetsins hafa undanfarna daga setið á kennslufræðinámskeiðum sem kölluð eru Stiklur. Þar fræddust kennarar um fræðslustarfsmanninn og kröfur í nútíma samfélagi, aðferðir í kennslu fullorðinna, námsmat og fl. Gagnlegt og skemmtilegt námskeið sem mun örugglega leiða til einhverra breytinga í kennsluháttum. Kennari á námskeiðinu var Sigrún Jóhannesdóttir sérfæðingur en hún starfar m.a. hjá Fræðslumiðstöð atvinnulífsins og kennir einnig við Listaháskóla Íslands.

utskrift

Frá útskriftinni á námskeiðinu Leiðsögn á jarðvangi. Hannes Stefánsson útskrifar.

Laugardaginn 16. apríl lauk einkar vel heppnuðu námskeiði í leiðsögn á Kötlu jarðvangi. 37 þátttakendur voru á námskeiðinu en umsjónarmaður þess var Hannes Stefánsson leiðsögumaður og framhaldsskólakennari . Alls voru 9 fyrirlesarar á námskeiðinu, margir þeirra landsþekktir fræðimenn á sínu sviði.

Á fyrsta degi námskeiðsins sýndi Þórður Tómasson söfnin í Skógum, en á síðasta degi þess tóku hjónin á Þorvaldseyri, Ólafur og Guðný, á móti hópnum í hinni nýju og glæsilegu sýningaraðstöðu á Þorvaldseyri þar sem gosunum í fyrra eru gerð góð skil ásamt búskaparsögu bæjarins. Í ítarlegu námskeiðsmati kom fram mikil ánægja þátttakenda með námskeiðið. M.a. voru þeir beðnir að gefa námskeiðinu í heild einkunn. Hæsta einkunn var 10, lægsta einkunn 7 en meðaleinkunn 8,6. Þá kom fram mikill áhugi á ítarlegra námskeiði í svæðisleiðsögn.

Háskólafélag Suðurlands og Fræðslunet Suðurlands stóðu saman að námskeiðinu og var það styrkt af Starfsmenntasjóði félagsmálaráðuneytisins. Fyrirlestrarnir fóru fram í Glaðheimum á Selfossi, þangað mættu yfirleitt um 12 þátttakendur, en fjarfundarbúnaður Háskólafélagsins var nýttur til þess að 11 þátttakendur á Hvolsvelli gætu einnig fylgst með og tekið þátt, 7 í Vík og aðrir 7 á Kirkjubæjarklaustri. Mikil ánægja reyndist vera með þetta fyrirkomulag. (Sótt af http://HFSu sjá einnig myndir frá útskrift)

noglitil

Nemendur, kennarar, starfsólk VMST og Virk á útskriftinni.

Góður hópur nemenda var kvaddur hjá Fræðslunetinu í dag þegar útskrifað var úr Námi og þálfun. Alls luku 12 nemendur náminu að þessu sinni en flestir hafa verið í námi frá því í haust og sumir jafnvel lengur. Í námi og þjálfun er aðaláhersla lögð á íslensku, stærðfræði, ensku og dönsku.

­
©2018 Fræðslunetið - símenntun á Suðurlandi | Tryggvagötu 13 800 Selfoss | sími: 560 2030 | fraedslunet@fraedslunet.is | kt. 641199-2579 | vefstjórn: steinunnosk@fraedslunet.is

Við notum vafrakökur á vefsíðu okkar, m.a. til að bæta notendaupplifun. Þú ákveður hvort þú vilt leyfa smákökur eða ekki. We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.