­

Fræðslunetið mun opna starfsstöð á Hvolsvelli í haust.  Fræðslunetið fær aðstöðu í Tónlistarskóla Rangæinga við Vallarbraut, við hliðina á Héraðsbókasafni Rangæinga, en þar verður skrifstofa og aðgangur að kennslustofu við hliðina, þar sem fjarfudarbúnaðurinn er. Þetta er fyrsta starfsstöðin sem opnuð er annarsstaðar en á  Selfossi og má því segja að um ákveðin tímamót sé að ræða í starfsemi Fræðslunetsins. Áætlað er að starfsstöðin verði opin þrjá daga í viku og verður það auglýst nánar síðar. Starfsmaður á Hvolsvelli verður Steinunn Ósk Kolbeinsdóttir.

utieldun1

Fiskinum pakkað og góðmeti í eftirrétt skorið.

utieldun2

Hópurinn hress og kátur í lok námskeiðs ásamt Guðríði kennara.

Þær létu ekki norðangarrann á sig fá konurnar sem sóttu námskeið í útieldun miðvikudaginn 19. maí sl. sem Guðríður Egilsdóttir heimilisfræðikennari kenndi, enda byrjaði námskeiðið á því að sest var í kringum eldinn við notalega ylinn. Þá hófst brauðbakstur, síðan var eldaður dýrindis fiskréttur, með sætum kartöflum og grænmeti. Í lokin var eftirréttur, fullur af vítamínum snæddur. Hann hafði þá bakast í hinum virðulegasta hlóðapotti. Þess má geta að nemendur í FSu smíðuðu grindina sem potturinn hangir í og einnig borðið góða sem sést á myndunum. Til að skoða fleiri myndir frá námskeiðinu getur þú skroppið á myndavefinn okkar >>>Skreppa þangað<<<

stiklur
Þóra, Jósefína, Steinunn, Áslaug, Eydís, Anna Linda og Sigrún.

Kennarar Fræðslunetsins hafa undanfarna daga setið á kennslufræðinámskeiðum sem kölluð eru Stiklur. Þar fræddust kennarar um fræðslustarfsmanninn og kröfur í nútíma samfélagi, aðferðir í kennslu fullorðinna, námsmat og fl. Gagnlegt og skemmtilegt námskeið sem mun örugglega leiða til einhverra breytinga í kennsluháttum. Kennari á námskeiðinu var Sigrún Jóhannesdóttir sérfæðingur en hún starfar m.a. hjá Fræðslumiðstöð atvinnulífsins og kennir einnig við Listaháskóla Íslands.

­
©2018 Fræðslunetið - símenntun á Suðurlandi | Tryggvagötu 13 800 Selfoss | sími: 560 2030 | fraedslunet@fraedslunet.is | kt. 641199-2579 | vefstjórn: steinunnosk@fraedslunet.is
Vefkökur auðvelda þér að ferðast um vefinn okkar. | Cookies make it easier for us to provide you with our services.