Fræðslunet Suðurlands

Á fimmtudaginn kl. 17 verður kynningarfundur hér í Iðu á þremur námsleiðum FA, Skrefi til sjálfshjálpar, Grunnmenntaskólanum og Námi og þjálfun í almennum bóklegum greinum.

Hvað og fyrir hvern eru þessar námsleiðir?

Skref til sjálfshjálpar í lestri og ritun

er fyrir þá sem eiga í erfiðleikum með lestur og/eða stafsetningu og vilja styrkja sig og bæta á þessu sviði. Það er fyrir fullorðna einstaklinga og hentar einnig þeim sem hafa hug á að fara í frekara nám í framtíðinni. Námið kostar kr. 11.000 og er 60 stunda langt. Það má meta til allt að fimm einingum á framhaldsskólastigi. Kennt verður bæði á dagvinnutíma og seinni partinn eða á kvöldin ef næg þátttaka fæst.

Grunnmenntaskólinn

er fyrir fullorðna einstaklinga sem hafa hug á að hefja nám að nýju en hafa ekki farið í framhaldsskóla eða hafa hafið nám í framhaldsskóla en ekki lokið því. Í náminu læra námsmenn að læra, fá sjálfsstyrkingu  og fá kennslu í íslensku, ensku, stærðfræði og upplýsingatækni. Námið er 300 stunda langt og má meta til allt að 24 einingum í framhaldsskóla. Það kostar 54.000 og verður kennt á dagvinnutíma. Hefst 18. janúar.

Nám og þjálfun í almennum bóklegum greinum

Námið er ætlað fullorðnum einstaklingum sem hafa lokið Grunnmenntaskólanum eða lokið einhverjum áföngum í framhaldsskóla. Hægt er að fá einstaka áfanga metna. Námið samanstendur af íslensku, stærðfræði, ensku og dönsku. Námið er 300 stunda langt og má meta til allt að 24 einingum í framhaldsskóla. Það kostar 54.000 og verður kennt á dagvinnutíma. Hefst 18. janúar.

Hægt er að nálgast námsvísa á http://www.frae.is

Námsvísirinn okkar er nú kominn út í netútgáfu en honum verður síðan dreift þriðjudaginn 12. janúar í lífrænu formi. Að þessu sinni eru mörg ný námskeið á boðstólnum. Er þar um að ræða bæði fjölbreytt úrval handverksnámskeiða og einnig eru nokkur námskeið til að byggja upp einstaklinga á ýmsan hátt. Kynnið ykkur endilega úrvalið. Námsvísinn má nálgast hér. Við erum þegar farin að innrita á námskeiðin. Hringið í síma 4808155.

Útskriftarnemarnir, Hannes, Guðrún, Steinþóra, Martha, Sara, Mónika og Kolbrún ásamt Sólveigu námsráðgjafa, Ásmundi framkvæmdastjóra, Þóru kennara og Eydísi námsráðgjafa. Á myndina vantar nokkra nemendur sem  ekki gátu verið viðstaddir.

 

Það var glatt á hjalla hjá Fræðslunetinu þegar ellefu nemendur útskrifuðust úr Grunnmenntaskólanum í morgun. Hópurinn hóf námið í október sl. og lauk því 15. desember, en um 300 stunda nám er að ræða og er þetta lengsta námskeið sem Fræðslunetið hefur staðið fyrir. Grunnmenntaskólinn er fyrir fullorðið fólk sem vill styrkja sig í grunngreinum eins og íslensku, stærðfræði, upplýsingatækni og ensku en einnig er lögð áhersla á sjálfstyrkingu og námstækni. Segja má að Grunnmenntaskólinn sé eins konar tenging á milli grunnskóla- og framhaldsskólanáms, þar gefst þátttakendum tækifæri á læra aftur að læra og að rifja upp ýmislegt sem kennt var í grunnskólanum og að taka fyrstu skrefin í framhaldsnámi. Þátttakendurnir voru sammála um að námið hefði gefið þeim mikið og styrkt sjálfstraustið til muna.

Fyrirhugað er að kenna þessar tvær námsleiðir á vorönn 2010 ef næg þátttaka fæst. Reiknað er með að námið fari fram hér í Iðu á dagvinnutíma. Námið er undirbúningur undir framhaldsskólanám og er einnig undirbúningur fyrir þá sem hyggjast stunda nám á háskólabrú og fara síðan í frekara framhaldsnám. Grunnmenntaskólinn styrkir nemendur í grunngreinum, íslensku, ensku og stærðfræði og einnig er tekið á þáttum eins og upplýsingatækni, sjálfsstyrkingu, námstækni. Lögð er áhersla á að námsmenn læri að læra og öðlist góðan grunn til áframhaldandi náms.

Nám og þjálfum í almennum bóklegum greinum tekur mið af námskrá framhaldsskólans. Þar er áhersla lögð á íslensku, ensku, dönsku og stærðfræði og einnig námstækni, sjálfsþekkingu og samskipti. Hvor námsleið er 300 stundir og má meta þær til styttingar  náms í framhaldsskóla til allt að 48 einingum samtals. Hafi nám Vinsamlegast hafið samband við okkur í síma 4808155 til að afla frekari upplýsinga.

Skoða námskrá Grunnmenntaskólans

Skoða námskrá Nám og þjálfun í almennum bóklegum greinum