Fræðslunet Suðurlands

Þátttakendur á námskeiðinu ásamt Írisi Þórðardóttur sem kennir siðfræði. Skoða fleiri myndir.

Þann 19. apríl sl. voru 10 nemendur útskrifaðir af Fagnámskeiði II, fyrir starfsfólk í heilbrigðis- og félagsþjónustu. Á námskeiðinu sem er 60 stunda langt læra þátttakendur ýmislegt varðandi umönnun skjólstæðinga sinna og fleiri þætti er snerta starfið, s,s. skyndihjálp, líkamsbeitingu og vinnustöðu, almenna sálfræði og siðfræði og margt fleira. Fræðslunetið hefur á undanförnum misserum haldið fjölmörg fagnámskeið og hefur nú stór hópur þeirra sem vinna á þessu sviði lokið þessu námi. Fagnámskeiðin eru tvö og eru samtals 120 tímar.

Þessa dagana er starfsfólk Fræðslunetsins farið að huga að undirbúningi haustannar 2010. Undirbúningur felst m.a. í því að vekja til lífsins námskeið sem haldin eru á hverju ári og setja þau á vefinn, er hér um að ræða t.d. tölvunámskeið og tungumálanámskeið. Nokkur þessara námskeiða eru þegar kominn á vefinn okkar og því getur fólk þegar farið að skoða, spá og spekúlera og taka frá daga næsta haust. Kíkið á framboðið hér.

Einnig felst undirbúningur í því að leita góðra hugmynda um ný námskeið og eru þeir sem hafa góðar hugmyndir eða áhuga fyrir einhverju tilteknu hvattir til að hafa samband við okkur í síma 480 8155 eða með tölvupósti Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Ætlað þeim sem langar að lesa Sturlungu en hafa aldrei getað brotist inn í hana. Vegna mikilla vinsælda er Einar Kárason nú kominn aftur til að segja sögur upp úr Sturlungu og kynna þannig helstu atburði og lykilpersónur sögunnar um leið og hann dregur upp leiðarvísi inn í söguna.

Leiðin inn í Sturlungu er torsóttari og villugjarnari en inn í flestar okkar helstu fornsögur. En þeim sem þangað komast opnast stórbrotinn og óviðjafnanlegur heimur með mögnuðum sögupersónum og dramatískum atburðum. Á þremur kvöldum endursegir Einar Kárason með eigin orðum helstu viðburði og leikendur á sviði 13. aldar, með aðaláherslu á Örlygsstaðabardaga og löngum aðdraganda hans, Flóabardaga og að lokum Flugumýrarabrennu. Gott tækifæri gefst til umræðna og leiðbeint verður inn um bakdyr sem opnast að veröld þessarar mögnuðu bókar.

Kennsla / umsjón: Einar Kárason, rithöfundur

Hvenær: Þri. 13., 20. og 27. apr. kl. 20:15 - 22:15 (3x)

Verð: 9.800 kr.

Allar nánari upplýsingar hjá Endurmenntun Háskóla Íslands