­
Sandra Brá Jóhannsdóttir sveitarstjóri Skáftárhrepps og Eyjólfur Sturlaugsson framkvæmdastjóri Fræðslunetsins undirrita samning.

Sveitarfélagið Skaftárhreppur hefur samið við starfsmennastjóðinn Sveitamennt um að gerð verði þarfagreining á fræðsluþörfum meðal alls ófagmenntas starfsfólks hjá sveitarfélaginu.   Markmið sveitarfélagsins með vinnunni er að koma símenntun og starfsþórun starfsmanna í ákveðinn farveg, auka starfsánægju og bæta þjónustu.

Um er að ræða sérstakt verkefni sem kallast „Fræðslustjóri að láni“ og hefur staðið stofnunum og fyrirtækjum til boða af hálfu starfsmenntasjóða um nokkurra ára skeið.   Verkefnið fellst í því að utanaðkomandi ráðgjafi gerir þarfagreiningu á fræðsluþörfum meðal starfsmanna og skilar, að greiningu lokinni, til stjórenda fræðsluáætlun til eins árs.  Starfsmönnum býðst einnig viðtöl við náms- og starfsráðgjafa. 

Starfsmenntasjóðurinn Sveitamennt greiðir allan kostnað við verkefnið og hefur ráðið Fræðslunetið símenntun á Suðurlandi til að sjá um þarfagreininguna og ráðgjöfina.  Verkefnið hófst formlega þann 15. mars síðastliðinn með undirritun samnings og áætlað er að því ljúki 1. júní næstkomandi.

Laugardaginn 25. mars verður haldinn kynningarfundur hjá Fræðslunetinu frá klukkan10 til 15.
Á fundinn koma sérlegir sendiherrar samnings Sameinuðu þjóðanna um réttindi fatlaðs fólks og ræða um réttindi og samninginn. Eftir hádegi koma fulltrúar Átaks, félags fólks með þroskahömlun og kynna starf félagsins, helstu baráttumál og fleira.                                             
Allir velkomnir.
Hvenær: Laugardaginn 25. mars kl. 10 - 15
Hvar: Fjölheimum, Tryggvagötu 13, Selfossi
 
Sendiherrarnir er hópur fólks með þroskahömlun sem fengið hefur fræðslu og aðstoð til að tileinka sér ákvæði samnings Sameinuðu þjóðanna og annast fræðslu til annarra um efni og inntak mikilvægra ákvæða hans. Þeir hafa farið um allt land, haldið kynningarfundi á vernduðum vinnustöðum, í framhaldsskólum, mannréttindaráði Reykjavíkur, í velferðarráðuneytinu og víðar þar sem óskað hefur verið eftir kynningu þeirra á samningi Sameinuðu þjóðanna um réttindi fatlaðs fólks.
VILT ÞÚ TAKA ÞÁTT Í NOTENDARÁÐI?
Fræðslunetið auglýsir eftir fólki sem vill starfa í notendaráði og hafa þannig áhrif á málefni fatlaðs fólks á Suðurlandi. Umsóknarfrestur í notendaráðið er til 6. mars og skal sækja um hjá Fræðslunetinu í síma 560 2030 eða beint hjá Lilju Össurardóttur, verkefnastjóra símenntunar fatlaðs fólks; This email address is being protected from spambots. You need JavaScript enabled to view it.
Í notendaráði verða 4-6 einstaklingar en fleiri gætu komist að á námskeiðin sem Fræðslunetið hefur skipulagt til undirbúnings setu í ráðinu. Námskeiðið hefst 13. mars og verður 13 skipti.
Það er þjónusturáð Suðurlands í málefnum fatlaðs fólks sem ákvað að stofna notendaráð sem eingöngu er skipað fötluðu fólki. Starf notendaráðs er að gefa álit sitt á allri stefnumótun um málefni fatlaðs fólks á Suðurlandi ásamt því að taka upp mál að eigin frumkvæði.
­
©2018 Fræðslunetið - símenntun á Suðurlandi | Tryggvagötu 13 800 Selfoss | sími: 560 2030 | fraedslunet@fraedslunet.is | kt. 641199-2579 | vefstjórn: steinunnosk@fraedslunet.is