Fræðslunet Suðurlands

Námsvísirinn okkar er nú kominn út og verður honum  dreift í hús og fyrirtæki á Suðurlandi 1. og 2. september n.k. Þeir sem ekki fá námsvísinn heim til sín eru kvattir til að hafa samband við okkur eða Íslandspóst.

Að þessu sinni eru mörg ný námskeið á boðstólnum, bæði handverksnámskeið, menningartengd námskeið og margt fleira. Endilega kynnið ykkur framboðið, kannski átt þú og Fræðslunetið samleið á haustönn. Til að skoða námsvísinn skaltu smella hér. Við erum þegar farin að innrita á námskeið haustannar. Hringið í síma 4808155 eða sendið okkur tölvupóst á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. . Þar þarf að taka fram nafn, kennitölu, símanúmer og auðvitað hvaða námskeið viðkomandi ætlar að sækja.

Fræðslusetrið Starfsmennt býður ríkisstarfsmönnum upp á starfstengda símenntun og veitir stofnunum heildstæða þjónustu ásviði starfsþróunar. Þjónusta Starfsmenntar er sérsniðin að þörfum þátttakenda um allt land í krafti faglegs samstarfsnets og öflugs vefkerfis. Starfsmennt er samstarfsvettvangur starfsmanna og stjórnenda þar sem unnið er að þróun þekkingar og þjálfunar í þágu einstaklings og samfélags. Skoða veffréttabréf og kynningarbækling.

Námskeið verður haldið í safnafræðum í Listasafni Árnesinga 4.-5. október 2010. Leiðbeinandi Dr. Magnús Gestsson safnafræðingur. Master class í safnafræðum er samvinnuverkefni námsbrautar í safnafræðum við Háskóla Íslands og Listasafns Árnesinga. Sjá auglýsingu.

Þann 26. ágúst n.k. verður námskeið um Íslenska matsveppi hér á Fræðslunetinu. Í gær kom út sérblað um skóla og námskeið með Fréttablaðinu þar sem fjallað var um námskeiðið,  sjá hér: http://vefblod.visir.is/index.php?s=4291&p=97309

Á námskeiðinu verður farið yfir helstu sveppategurndir sem hægt er að nýta í matargerð og finnast í íslenskum skógum. Námskeiðið verður í tvö skipti, fimmtudagskvöldið 26. ágúst kl. 20  og síðan á laugardeginum 28. ágúst. Á fimmtudagskvöldinu verður fjallað um helstu tegundir íslenskra matsveppa og hvernig hægt er að þekkja þá og nýta og sýndar myndir af þeim. Á laugardeginum verður farið í sveppaferð í skóginn þar sem verkleg kennsla fer fram, tínsla, greining, hreinsun og meðhöndlun. Þá þurfa þátttakendur að hafa með sér körfu undir sveppina. Einnig er þátttakendum frjálst að koma með aðra fjölskyldumeðlimi í skógarferðina svo sem börn og maka. Ása Margrét gaf á síðasta ári út bókina Matsveppir í náttúru Íslands.  Innritun er þegar hafin í síma 4808155 eða með tölvupósti: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

• Kennari: Ása Margrét Ásgrímsdóttir, hjúkrunarfræðingur og áhugakona um nýtingu villtra sveppa.
• Verð: 6.500.-
• Fjöldi: Lágmarksþátttaka 15